Endaso-neseyan biinji-Bunker noongom wenji-ateg maanda waakaa’iganikewinigamig. Ezhichigemagakin omaa wenji-onizhishingin gakina gegoo, memindage go giishpin bichibojigani-baashkideg. Agwajayi’ii Bunker, waakaa’igan daa-gii-banaajichigaadeban miinawaa bichibojigan daa-gii-ateban noodining miinawaa nibiing.

Naniizaanak, iw Bunker wenji-waasamowinikeng inaabajichigaadeg niiwin misko-waasamoo-bimide ezhichigemagakin—wezhaawashkwaandeg ezhichigemagak eteg gichi-michisag wayeshkad gete-gikinawaajigan gii-aabajichigaade biindig ashwiiwigamigong imaa Camp Borden imaa Barrie, Ontario.

Dakib Bunkering gii-onjibaamagad niizh onda’ibaanan.

Zhayaabwaazhigawichigaadeg noodin Bunkering bi-izhaamagad niswi ezhiwebakin: babiiko-zhaabwaazhigawichigan, HEPA zhaabwaazhigawichigan, miinawaa ezhichigemagak akakanzhe-zhaabwaazhigawichigan. Bichibojigan nandagikenjigan ogidakamig wenji-biminizha’igaadeg agwaakwa’igaans omaa wenji-dawaag giishpin bichibojigani-noodin minik epiichi-naniizaanak ji-giba’igaadeg noodinishkwaandeman weweni.

Wayne Byrne, Ezhichigemagak endazhiikang nisawayi’ii 1967 miinawaa 1983, odazhindaan enanokiing nendagikendaming ezhichigemagakin giishpin gibaakwa’igaadeg ezhiwebak:

“…gaawiin maamadaa wanichigewinan. Gidaa-gikendaan ezhichigeyan. Miinawaa inagakeyaa, uh, zanagendaam nitam niizhing gemaa gaye nising. Aanawi ishkwaa-izhichigeyan nising, miinawaa nising memindage go ezhi-aateg waasamowin gii-gichi-niiskaadak agwajiing miinawaa gezika gakina gegoo makadewaa, maamakaadendaagwad wenji-izhichigemagak.”