Gidayaa dabazhish Bunker, anaami-jiibaakwewigamig. Gaa-ashamindwaa 500 Bunker eyaajig ningo-giizis gii-izhi-inaakonigem miinawaa aabajichiganan. Oshki-miijim da-jaagiseban ishkwaa-niizhwaasogonagak, miinawaa eyaajig gaa-onji-miijiwaad booch iw miigaazowini-ishkoniganan.

Endaso-giizhig megwaa awashime 30 daso-gikinoonowin, iw Bunker jiibaakwewigamig wenji-ashangeng niiwin daso-wiisiniwinan ningo-giizhig niibiwa maagaazojig miinawaa enokiijig omaa. Niibina wiisiniwinan gii-zagakinigaadewan omaa.

Wenji-biindigeng mikwamii-ataasowin niizh ezhi-aabajichigaadeg. Megwaa gibaakwa’igaadeg giishpin awiya gaa-nibod biinji-Bunker, wiiyawiwaan gii-zagakinigaadeniwan omaa. Baamaa da-bagidenjigaazobaniig biinish mino-izhiwebadinig agwajiing.