Megwaa bimoseyan wenji-bimoseng, gimaajaa imaa gechi-apiitendaagwak Bunker waakaa’iganing, aanawi sa geyaabi 75 daso-zid anaamigamig. Mii wenji-dakateg, Bunker eyaajig ningoding gaa-inaabajitoowaad maanda wenji-bimoseng dibishkoo gagwejiiwigamig.

Megwaa bichibojigani-miigaading, iw Bank of Canada Zhooniyaawigamig daa-gii-onji-zagakinigaadeg weweni iw ishkonigani-ozaawaa-zhooniyaa. Vault gii-izhi-ozhichigaade ji-zagakinigaadeg ganabaj 72 endaso-apiitinigwak tonnes ozaawaa-zhooniyaa.

Jibwaa-biindigeng Zhooniyaawigamigong, ganawaabandan ishkwaandeman. Awashime egaasaakwak ishkwaandem daa-baakaakonigaade nitam ji-naasaabak noodin biindig. Awashime mechaagwak ishkwaandem 13 endaso-apiitinigwak. Baakinigaadeg mechaag gashkaabika’igan niiwin bemaadizijig odaa-baakinaanaawaa, endaso-aya’aa eta ogikendaanan dinoowan agindaasowinan

Awashime ganawaabanjigewin, egaasadeyaag ji-gakakising giiwitaayi’ii agwajayi’ii naawayi’ii zhooniyaawigamigong. Wenji-daso-giikeyaag ate waabandizowin, ekawaabanjiged ji-izhi-waabanjiged giiwitaayi’ii naawayi’ii waakaa’iganing bezhig ningoji wenji-akawaabanjiged.