Wedaminong miinawaa miijim gii-gichi-apiitendaagwadoon ji-maanaadendamowaad bebangii endanakiijig miinawaa enokiijig biinji-Bunker.

Bezhig dewaag imaa wiisiniiwigamigong gaa-onji-achigaadeg ji-onji-odaminong, imaa ininiwag miinawaa ikwewag ji-biigokewaad, ji-naawiwebinigewaad, miinawaa ji-naawi-zhooshkonigewaad. Aanawi gaa-inakamigakibaniin gii-izhiwebadoon omaa biindig. Michael DeNoble, Waakaa’iganan endazhiikang, ogii-mikwendaan gaa-ganawaabandang iw 1972 Hockey Summit Series:

“…iw gaa-gichi-inakamigakiban, nindikid niin gaa-ayaayaan Carp apii Paul Henderson gii-gabenaaged gii-bakinawaad Russianan. Ogii-izhi-doodaanaawaa ji-zhaaboshkaanig bunker miinawaa ningii-anokii gii-gabenaaged, miinawaa gakina awiya gii-gichi-ombendam.”

Aazhawayi’ii, mikan CANEX, dibishkoo oodenaang adaawewigamig, wenji-giishpinadoowaad enokiijig ayi’ii dibishkoo miijim miinawaa asemaa.

Nandawaabandan gichi-mazinaakizon imaa wenji-wiisining. Eniwek isa gaa-onji-achigaadeg ji-inendaming memaangidawaag ji-dazhi-anokiiwaapan gaa-baata’iinowaapan omaa, gaawiin zanagasinoon ji-bawaanadwaa ininiwag miinawaa ikwewag gaa-bizindawadwaa giishpin genawaabandamowaad iw apii bichibojigani-miigaading. Iw No Family inaakonigewin edaming gaa-nibowaapan gidinawemaaganag megwaa gaa-izhi-doodaman ogimaawiwin ji-anokiimagak. Iw wajiw wayaabanjigaadeg ji-mikwendaming iw genawaabandaman agwajayi’ii miziwe akiing.