Onji 1989 biinish 1991, memeshkwad inaakonigeng enakamigakin eshkam ji-gibitoong iw Soviet Union miinawaa gaa-naanaagadawendaagwak eshkwaa-miigaadingoban Cold War.

Apii 1994, maanda Bunker gii-gibaakwa’igaade miinawaa iw miigaazowin wenji-maajiidoong gakina aabajichiganan miinawaa okaadechiganan. Onji-ozhibii’igaade ji-banaajichigaadeg, iw ogii-ishkonaanaawaa besho wekwiinojig nayaadamaagejig gaa-waabandamowaad epiitendaagwadinig ji-ganawendamingoban maanda agwaakwa’igan Canadian Cold War gaa-mikigaadegoban.

Apii maajaayan Bunkering, babaa-inaabin agwajiing. Mikwendan ezhi-waabanjigaadesinoog iw Bunker gaa-onji-izhichigaadeg, mii sa iw gaa-onji-ozhiitaang weweni iwapii bichibojigani-baashkizigan wenji-zegendaagwak.

Onji enokiijig miinawaa nayaadamaagejig imaa Diefenbunkering, miigwech gaa-bi-nandagikendaman maanda dinoo National Historic Site. Iw Diefenbunker: Canada’s Cold War Museum wenji-ateg ji-ganawendaming miinawaa ji-dibaadodaming iniw dibaajimowinan wenjibaamagakin Cold War, gaye Canada’s ozhiitaawin neniizaanak, miinawaa ji-dazhindaming bekaadiziwin ji-miigaadising. Gimiigiwewinan ji-onji-anokiimagak ninganawaabanjigewigamigonaan zhooniyaakesiwaang onjida.

Apii giizhiitaayan, daga akwaandawen A akwaandawaaganing biinish 400 Daso-michisag ji-azhenaman gimadwewechigaans.

Miigwech gii-bizindaman.