Ji-gashkitoong 24-daso-diba’igan apii inanokiing imaa Bunker, iw jiibaakwewigamigong apane wenji-ozhichigaadegin eshangeng wiisiniwinan. Oshki-miijim gii-biijigaade endaso-niizhwaaso-giizhig gaa-onjibaamagak Uplands miigaazoowigamigong imaa Ottawa, de-minik miijim ji-ashamindwaa 150 bemaadizijig. John Publicover, gaa-dananokiid jiibaakwewigamigong 1966 biinish 1976, odazhindaan iw inaakonigewin:

“…apii inanokiiyan dinoo izhi-diba’iganek, miinawaa apii nitam omaa gaa-bi-izhaayaan, ningii-ashamigoomin 24 daso-diba’igan ningo-giizhig. Dibishkoo, gigizheb gigii-ashamigoo, mii dash makadeyaaboo gaa-minikweyaan gigizheb midaaso-diba’iganek, mii dash naawakwe-wiisiniyan, mii dash gibichiitaayan niso-diba’iganek, mii dash onaagoshi-wiisiniyan, mii dash wiisiniyan zhaangaso-diba’iganek, mii dash wiisiniyan aabitaa-dibikak, gakina wiisiniwin, mii dash wiisiniyan niso-diba’iganek, gigizheb, mii dash gigizhebaa-wiisiniyan miinawaa. [baaping] Mii wiisiniyan endaso-niso-diba’igan, gemaa gaye endaso-niiyo-diba’igan.”

Wiisiniiwigamigong gii-de-ayaawag 150-200 bemaadizijig bezhig daso-wiisining. Ayaawang izhichigewi-miigaazoowigamig, iw Bunker ezhi-ayaawaad enanokiijig. Wiisiniiwigamigoons imaa gichinikeyi’ii wenji-ashangeng wenji-ayaawaad Non-Commissioned Officers, miinawaa gebaakwa’igaadeg wiisiniiwigamigoons jiigayi’ii wenji-dananjigewaad Senior Officers. Bekaanizijig gakina awiya gii-dananjigewag gichi-wiisiniiwigamigong.

Niibiwa ominwendaanaawaan oshki-miijiman gaa-atenig. Mii maaba bimi-ozhibii’igewin endazhiikang Janet Puddicombe:

“Maamawi-wiinichigan wiikaa gaa-miijiyaan. Apane miijim gii-minopogwad, apane gii-gizhide, miinawaa giishpin zhaangendaman eteg miijimi-mazina’iganing, ogii-jiibaakwaadaanaawaa bakaan gegoo. Nindinendam niibiwa bemaadizijig onzaam gaa-bami’indwaa gaa-dananjigewaad omaa. Maamawi-wiinichiganing wiikaa ningii-dananjige.”