Miigaazowin ogimaag Federal Wiindamaagewin Waakaa’iganing ogii-dibendaanaawaa genawaabandamowaad miigaazowin miinawaa aabajichigan ezhiwebadinig miziwe Canada.
Megwaa 1957, igiw Russians ogii-gashkitoonaawaa gaa-nandagikendamowaad miziwe baashkizigan gichi-anwi gaa-nitamising, ge-izhaamagakiban miziwe go gakina ningoji akiing.
Wayne Marshall, aanjibijiganisag endazhiikawaajin biinji-Bunker, odibaadodaan ezhi-ganawaabandaming Russian mamaajiiwinan miziwe North American giizhigong ayaabajitoong aabajichigan “iconorama” ezhinikaadeg:
“…naaningodinong onow gezika wiindamaagewinan gii-bi-izhaamagadoon gizhiiseg memeshkwad, ganabaj ishpiming, ganabaj anaamibiig, miinawaa naaningodinong niibina gii-izhichigem eta ji-nandagikenimigooyaang giishpin geshkitooyaang. Onjida go gii-izhichigewag Russians, ji-migoshkaaji’igooyaang. […] Odaa-waabandaanaawaadog Russian ombaasijigan gaa-dazhi-bimiseg ninoodininaaning. Makwag ningii-izhinikaanaanaanig. Aw Russian makwa…gaa-onji-boozichigaadegin waasamoo-aabajichiganan, gaa-onji-boozichigaadegin. Ninganawaabamigonaanig, miinawaa ninganawaabamaanaanig. Mii iw Cold War. Ganawaabanjigeng, apane go.”