Midaaswi-ashi-nishwaaswi anokiiwigamigoon etegin 300 miinawaa 400 daso-michisag ganabaj gii-onji-ate 24-daso-diba’igan naadamaagewin waa-aabajitoonijin ogimaawiwin odoogimaamiwaan. Endaso-bezhig ogii-onji-anokaadaanaawaan ganabaj 25 enokiijig. Imaa wenji-bimoseng giga-waabandaan Ezhi-dawaag Wenji-ganawendaming Bimisewin, Ezhi-dawaag Wenji-ozhigeng, miinawaa Ezhi-dawaag Waasamowin, Wenji-moona’igeng miinawaa Aabajichiganan.
Ogimaawiwin ezhi-naadamaageng dibishkoo Canadian Waakaa’iganikewin miinawaa Mazina’igewin Maamawichigewin gaye gii-atewan anokiiwigamigoon. Maanda naadamaagewin gii-onji-atewan ajina danakiiwinan ji-aabajitoowaad bemaadizijig.
Mikwendan enaandegin adoopowinan imaa gaa-ozhichigaadegin miinawaa anokiiwigamigoon. Bunker wiinindib endazhiikangig gaa-nandagikendamowaapan wayaaseyaandegin ji-naadamaagowaad bemaadizijig giishpin gibaakwa’igaadenig ezhiwebadinig ji-gashkitoowaad gechi-naniizaanadinig ezhiwebadinig.