Neniizaanak Ogimaawiwin Ezhiwebak Waakaa’igan, gemaa gaye EMGOVSITCEN dekwaag, wenji-dazhiikaming aya’aa ogaganoonidiwinan. Enokiijig eyaawaad imaa EMGOVSITCEN gaa-izhi-nandawaabandamowaad gaa-banaajichigaadenig miinawaa neniizaanadinig bichibojigan bichibojigani-baashkidenig imaa Canada aabajitoowaad mazinaginjiganan miinawaa akii-mazina’iganan.

Iw Ezhichigaadeg Nendagikendaming ezhi-dawaag ate imaa namanjinik biindig, miinawaa Gaa-izhi-inigaa’indwaa miinawaa Benaajichigaazong Nendagikendaming ezhi-dawaag imaa gichinik.

Iw Ashwiiwin Ezhiwebak Nabagisag opimeyi’ii akii-mazina’ganing ishkweyaang aasamisag geyaabi odaa-dazhiikaam megwaa neniizaanak. Gakina gikendamowin daa-gii-izhinizha’igaadeban imaa wenji-nandagikendaming miziwe biindig Bunker, gaye imaa War Cabinet.

Gete-giigidoobiiwaabikoonsan omaa biindig gii-ate giigidoobiiwaabikoonsing minjimaakwe’igan wenji-dakonaming ji-ganawendaming apii bemisegin niningishkaawinan wenji-baashkideg.