Nibewigamigoon biinji-Bunker gii-akwaadadoon ajikinaming onji ikweng ininiing. Giishpin bichibojigani-baashkideg, biinish 110 ikwewag daa-daadogenag miinawaa daa-anokiidogenag omaa.

Wayeshkad, enaakonigejig gii-inendamoog ikwewan waa-aawinijin mashkikiiwikwe megwaa bichibojigani-baashkidenig, gemaa gaye waa-aawinijin wezhibii’iged. Megwaa Cold War ani-maajiishkaag apii 1960s miinawaa 70s, ikwewag enokiijig imaa Bunker gaa-aawiwaad anooji awiya wenji-ozhibii’igeng, wenji-gaganooniding, wenji-ganawaabanjigeng, miinawaa wenji-mashkikii-naadamaageng.

Aanind ikwewag gaa-anokiijig omaa ogii-dazhindaanaawaa gaa-izhiwebiziwaad gaa-izhi-wiijanokiindiwaad. Mii gaa-ikidod aw madwewechigan endazhiikang Helen Rosseau:

“…anokiiwin gii-aawan, naasaab izhiwebad miziwe go. Dibishkoo niibiwa bemaadizijig etoowaad gegoo ji-izhi-nisidotaming etesinoog geget. Mii go enokiing ezhiwebak. Nindinendam, giwaabandaan iw anooj ningoji gaye, noongom, mii sa gaawiin bakaan.”