Aw prime minister miinawaa governor general igiw niizh eta go eyaamowaad giimooj gabeshiiwigamigoon. Maanda gabeshiiwigamigong ate ozhibii’igewigamig, aw prime minister’s odoozhibii’igewigamig, miinawaa awashime biindig, aw prime minister’s onibewigamig miinawaa ogiimooji-zaaga’amoowigamig.

Iwapii Bunker gaa-ozhichigaadeg, John Diefenbaker gii-aawi prime minister onji Canada. Gii-inanokii iw nisawayi’ii 1957 miinawaa 1963.

Ningo-nibaagan wenji-gikendaming geget gaa-maji-izhiwebak: gaawiin awiya gii-ayaasii omaa, gaawiin gaye aw prime minister, ganage ogii-biinaasiiwaan odinawemaaganiwaan. Diefenbaker wiin gaawiin wiikaa gii-biindigesii biinji-Bunker.

Diefenbaker gaawiin gii-bezhigosii gii-inaakoniged. Gakina awiya eyaad Bunker odaa-gii-ayaanaawaabaniin bakaan gabeshiiwigamigoon ji-mino-ayaanid odinawemaaganan bichibojigani-miigaading. Garry Dowd, gaa-inanokiid anooj gaa-izhi-gaganoonidid biinji-Bunker, odazhindaan gaa-izhi-ayaad enendang iw ezhinikaadenig “gaawiin inoodewiziwinaakonigewin”.

“…iw mayagwad gegoo apane gaa-naanaagadawendamaan gii-wiidigeyaan, “Ninga-biindige omaa miinawaa gaa wiikaa ganabaj ninga-waabamaasiidog miinawaa niwiidigemaagan. Gemaa gaye ningwisens.” Giga-onji-ayaa ge-miigaazoyan. Giishpin naniizaanak, gaa wiikaa ganabaj giga-waabamaasiig miinawaa. Bingwi da-aawiwag. Gaa-naanaagadawendamaan. Geget igo. Mii go gaa-igooyan gegoo imaa.”

Niisaandawen “A” akwaandawaaganing biinish 200/100 daso-michisag. Daga aangwaamizin gaa-ombichigaadegin dakokiiwinan nisawayi’ii izhichigewigamigoon anaamayi’ii.