Megwaa naniizaanendaagwak, apii gichi-bichibojigani-anwiin ishpiming, ganabaj gichi-oodenaang Canada onji-bangishing, gichi-apiitendaagwad ji-dibenjiged awiya. Nindawaaj onji Canada’s inaakonigewin, geget igo ogimaawiwin booch igo naanan gaa-onaabanjigaazowaad wegimaawijig. Geyaabi izhi-ogimaawing mii wenji-ateg onjida go iw Bunker.

Diba’igiiziswaanag ningodwaaswi daso-diba’igan ezhi-dawaagin ogiji-ishkwaandem odoonji-mikwendaan gakina awiya odakiim neniizaanendaagwak imaa jiigibiig biinish jiigibiig biinish jiigibiig. Mazinaatesijiganan egoodegin ishpimisag etegin bezhig waasamowineyaabiing eta go biinish imaa Neniizaanak Ogimaawiwin Izhichigewin Waakaa’igan, ate imaa biindig aazhawayi’ii. Mazinaatesijiganan wenji-waawiindamaageng ogimaawiwining bijiinag enakamigakin.

Gakina inaakonigewinan wenjibaamagakin War Cabinet izhinizha’igaadewan imaa Secretariat aajisag, mazinabii’igaadewan iw ogimaawiwini-agwaakwa’igan, miinawaa izhinizha’igaadewan imaa oodenaang gemaa gaye miigaazowining ogimaawiwinan.

Namadabin imaa prime minister’s odapabiwining besho niizho-ishkwaandeming miinawaa bawaadan ezhi-dibendaman ezhi-gashkitooyan.