Gaganoonidiwin gichi-apiitendaagwad giishpin bichibojigani-miigaading. Naniizaanak, iw Bunker ge-onji-baabiindewaapan 11 Canadian Broadcasting Corporation enokiijig ji-izhichigewaapan Emergency Broadcast izhichigewinan. Megwaa madwe-boodaajigan madweweg miziwe akiing, bemaadizijig daa-gii-okwiinobaniig biindig endaawaapan gemaa gaye oodena-waakaa’iganing. Iw dowaag bemaadizijig gii-inaawag ji-bizindamowaapan CBC’s neniizaanadinig madwewechigan ezhi-madwewegin owaasamowinikewini-madwewechiganiwaang. Endaso-madwewechigeng iniw wenji-izhi-madwewegin gaa-bi-onjibaamagakin omaa biindig.

“Geget aawan neniizaanak eshwiing. Nindikid, geget aawan neniizaanak eshwiing. Maanda aawan Canadian Madwewechigan Enanokiimagak. Zhaangenjigejig mewine’igewaad North America gaa-nandagikenjigaadeg. Madwe-boodaajiganan madwewewan noongom gemaa gaye gii-izhi-madwewewan mawine’igeng. Bizindan awashime gikinoo’amaagewinan.”