Gidanimikaagoo omaa Diefenbunker, Canada’s Cold War Museum. Maanda madwewechigan giga-maajiinigon niiyo-akwaandawaagan anaamakamig miinawaa gegaa ningo-diba’igan. Aabajitoon mezinaatesegin gidaabajichiganing ji-maajitaayan, ji-nagaataayan, ji-boonitaayan, gemaa gaye neyaab ji-azhetaayan. Bizindan maanda medwesing (medwesing) ji-gikendaman ishkwaa-nagaataang.

Central Emergency Government Headquarters – gemaa gaye Diefenbunker, gaa-izhinikaadeg – gii-aabajichigaade 1961 biinish 1994. Ningoji imaa gaa-onji-gikenjigaadeg Canadian Forces Station Carp, gemaa gaye CFS Carp.

Aanind bemaadizijig gaa-anokiijig omaa, bemaadizijig miinawaa maagaazojig, ogii-dibaadodaanaawaa gaa-izhiwebiziwaad gaa-dananokiiwaad anaamakamig. Giga-noondawaag giigidowaad bimi-ganawaabanjigeyeg. Nimanaadendaamin niibiwa gaa-anokiijig miinawaa gaa-miigaazojig gaa-wiindamooyangidwaa gaa-izhiwebiziwaad apii Cold War.

Aawang apabiwin imaa Canadian ogimaawiwin, Ottawa gaa-gikenjigaadeg gaa-zhigweyaabandaming apii Cold War. Iw Bunker, gaa-onji-ozhichigaadeg ji-baabiindemagak booch ogimaawiwin giishpin ogimaa-oodena gaa-baashkideg, epiichi-zoongang giishpin apiichi-gichi-baashkideg dibishkoo 5-megaton atomic bayaashkideg.

Nuclear miigaadiwin gii-ozhindaam, miinawaa iw Bunker gaawiin wiikaa gii-aabajichigaadesinoon dibishkoo naadamaagewigamig booch ogimaawiwin. Nindawaaj, gii-inaabajichigaade Canada gichi-giimooj wiindamaagewinigamig gaa-aawang 32 daso-gikinoonowin.