Maanda ozhibii’igewigamigoons gaa-onji-ateg gaa-onji-gichi-gaganooniding. Gakina ba-izhaamagakin miinawaa mayaajaamagakin wiindamaagewinan imaa agwajayi’ii miziwe akiing gaa-bi-bimisemagakin omaa.

Enokiijig gaa-izhi-anokaadamowaad, gaa-daso-ozhitoowaad, miinawaa gaa-babaa-niindaa’amowaad wiindamaagewinan. Wiindamaagewinan gii-izhi-achigaadewan manidoo-biiwaabikweyaabiing miinawaa izhi-achigaadewan wenji-izhi-bagoneyaag aasamisag biinish Aanjichigewigamigong.

Megwaa gii-miigaading Cold War, aanjichigewin gii-gichi-apiitendaagwad ji-ganawendamingoban gichi-giimooji-gikendamowin ji-mikanzigwaaban Soviet oninjiiwaang. Ozhibii’igewin endazhiikang Brenda Langman odibaadodaan enanokiid ayaanjibii’ang ozhibii’igewin ji-aawang ge-agindanzing giimoojibii’igewin:

“Ningii-ayaamin epiichi-giizhigak ji-izhi-doodamaangiban neyaab giimoojibii’igewinan, miinawaa bekish igo, dibik iidog endaawaad akiing, napaajayi’ii waasamowineyaabiing gaye neyaabichigemagad, ji-aawang izhi-giimoojibii’igewinan, eyaamaang izhi-giimoojibii’igewinan apane naasaab. Mii sa giishpin bezhig agindaasowin bekaanak eyiidawayi’ii gaawiin gegoo ge-onizhishinzinoog. Mii dash weweni ezhinaagwak, zenagak, ji-ozhichigaadeg izhi-giimoojibii’igewin.”