Giishpin wii-biindigeng Bunker, bemaadizid ezhi-wiinizid da-naaniimi omaa netamising wenji-giziibiigazheng, gakina biizikonayed. Wenji-giziibiigazheng ji-mamaajiimagasinoog neniizaanakin baasaagin dibishkoo bingwi ji-babaamisesinoog miinawaa ji-wiinasinoog iw Bunker.
Wawiingezin bimoseyan omaa wenji-giizikonayeng. Gakina gidagwiwinan nebiiwangin ziigwebinigaadewan zhooshkwajiwaaning aasamisag. Zhooshkwajiwaan inagakeyi’ii imaa wenji-ganawenjigeng, imaa Bunker enokiijig weweni owebinaanaawaan agwiwinan.
Mii dash eko-niizhing wenji-giziibiigazheng ge-biindigeyan. Maanda wenji-ateg gezhaagamideg nibi miinawaa niibina giziibiiga’igan. Gichi-bichibojigan izhaamagad miskwiing wenji-beshinikeshing wenji-bishaginikeshing. Gishtigwaan, gitawagan, gijaanzh, gishkanzhiig, miinawaa gidoon, weweni gidaa-nitaa-giziibiigazhe go.
Omaa giga-nandagikenjigaaz miinawaa miinawaa neyaab giga-izhinizha’igaaz giishpin booch. Apii ishkwaa-nandagikenjigaazoyan, dekoniwed giga-miinig dinoo babiinzikawaagan miinawaa makizinensan miinawaa giga-izhinizha’og imaa aakoziiwigamigong ji-nandagikenjigaazoyan.