Maanda Aakoziiwigamig gii-onji-ozhichigaade ji-izhi-nanaandawi’iweng gaa-onji-inaapineng gaa-baashkideg bichibojigan. Giishpin gakina awiya gaa-biindiged Bunker gii-mino-ayaad, ningo-giizis gichi-gabeyi’ii 500 bemaadizijig nindawaaj gaawiin owii-ayaaziinaawaaban nanaandawi’iwewin.

Giga-waabandaan iw wenji-maadizhwaaganiwing, wenji-nandagikenjigaazong, ozhibii’igewigamig, wenji-baata’iinakin mashkikiwan, miinawaa niso-nibaagan wenji-bami’iweng. Ate iw ningo-nibaagan nibewigamig opimeyi’ii giishpin awiya ge-onji-bezhigod imaa- gemaa gaye ikwe waa-aabajitood. Nashke nibaaganan miinawaa aanind aabajichiganan dakobijigaadewan michisag. Enwewegin wenjibaamagakin 5-megaton gechi-baashkideg ge-onji-niningishkaag waakaa’igan miinawaa aabajichiganan ge-onji-babaamisemagakin biinji-waakaa’igan.