Bimi-ozhibii’igewinan gii-gichi-apiitendaagwadoon ogimaawiwining izhi-gaganooniding megwaa 1950s biinish biijigaadeg bimi-izhi-waasamoowibii’igewinan miinawaa mamaandaawaabikoon megwaa 1990s. Bimi-ozhibii’igewinan izhinaagwadoon dibishkoo mechaagin ozhibii’igewinan, wiin dash aapiji onizhishinoon gaganoonidiwin ayi’iin.

Maagaazod wezhibii’iged odoozhibii’aan wiindamaagewin imaa bimi-ozhibii’igewining imaa Bunker. Mii dash niindaa’amowaad imaa dinoo waasamowineyaabiing biinish bakaan ozhibii’igewining ningoji- ganabaj ozhibii’igewigamigong gemaa gaye miigaazoowigamigong aazhawayi’ii akiing, gemaa gaye miziwe go akiing. Iw bimi-ozhibii’igewin imaa wenji-ozhichigaadeg wiindamaagewin. 

Niibiwa Wezhibii’igewi-anokiijig gaa-ayaawaad iwapii ishkweyaang omikwendaanaawaa ezhi-madwesininig gaa-noondamowaad iko ondamitaamagadinig bimi-ozhibii’igewinan, ezhi-madwewenig ozhichigaadeg mazina’iganan! Bemi-ozhibii’iged Brenda Langman omikwendaan iw ezhi-noondaagwadinig:

“… clacking, clack clack clack clack bimi-ozhibii’igewinensan ozikwaadaanaawaan mazina’iganeyaabiin […] miinawaa eshkam okosinoon imaa michisag. Gidaa-naaniibaw imaa biizikaman miigaazoowikizinan miinawaa gego biigoshkangen iniw giishpin biigoshkaman, gibiigoshkaan wiindamaagewin aabitooshkaman, God gidaa-naadamaag gaawiin giga-nanaa’itoosiin iw.”