Giishpin ishkwaandeman niigaan gaa-banaajichigaadegin, gemaa gaye zhiibaawaazh gaa-gawiseg, niizh gii-atewan Booch Wenji-zaagijishimong: bezhig omaa, miinawaa bezhig imaa Madwewechigewigamigong, egaasaagin, 9-meter-ekwaagin zhooshkwajiwaanan inagakeyi’iin biinish ogidakamig. 

Bawaadan maanda ezhiwebak. Giin miinawaa 500 giiji-anokiimaaganag gaa-baabiitooyeg giishpin gakina gegoo ayaabaakawadinig ji-zaagijishimoyeg Bunker. Gibagosendam minik bichibojigan ishpiming eshkam bangii de-ateg ji-aakozisiwan.

Nitam, giga-baakinaanan biiwaabiko-ishkwaandeman miinawaa giga-naaniibaw biinji-zhiibaawaazh. Mii dash…ge-wiigobidooyan biiwaabiko-ombaakwa’igan.

68 daso-dibaabiishkoojigan anijiimini-bingwi ba-bimiseg miinawaa zhaabobideg gaashka’iganing michisag. Wiikwaasijigan wenji-ozhichigaadeg wenji-biigoshkaag gaaskiigino-biisitaagan ogijayi’ii zhooshkwajiwaaning.

Ishkwaaseg iw, mii go eta bezhig inagakeyi’ii – ishpiming.