Nitam niizho-nibaagan wenji-biindigeng ningoji wenji-atenig onzaamiinowaad ayaakozijig- gemaa gaye ganabaj ekawaabanjiged. Waasechiganing geshkaabika’igaadeg ishkwaandeming gidoonzaabandaanan niswi nibaaganan, anokiiwi-ataasowinan, miinawaa ataasowinan. Gaawiin atesinoon biinjayi’ii baakaakobijigan ji-zaaga’aming.

Mii maanda baabiindewinigamig ji-aabajitood awiya gechi-zanagendang, gemaa gaye igiw neniizaanizijig ezhiwebizijig.

Gaye miigaadising, dananokiing Bunkering aapiji zanagendaam. Janet Puddicombe, netaa-ozhibii’iged biinji-Bunker, odibaadodaanan enaandegin biinji-Bunker gaa-onji-ozhichigaadegin ji-miigaadaming ezhi-zanagendaming.

“Mii go, ganabaj, eshkam ezhi-zanagendamaang endaayaang omaa biinjayi’ii. Mii dash onji ge-waabandaman wenji-beshaagin imaa, gaa-waabaandegin miinawaa gaa-waabishkaandegin gaa-beshaagin, miinawaa anooj bakaan enaaandegin? Gii-ayaa aw ezhi-nanaandawi’iwed inendamowining miinawaa ogii-onaabandaanan enaandegin, gii-izhiwebad bijiinag gii-jibwaa-ayaayaan omaa. Miinawaa nawaj minwendaam atesinoog waasechiganan.”