Maanda Bunker wenji-ganawenjigaazong, wenji-minikweng, miinawaa wenji-ashangeng 500 bemaadizijig 30 dasogon, gaye booch ogimaawiwin, miigaazowin, miinawaa enokiijig booch ji-aabajichigaadeg iw Bunker.

Iw Bunker gii-aawan miigaadiwin gaganoonidiwinigamig. Bemaadizijig gaa-bi-dagwishinowaad biindigewaad omaa ishkwaandeming gii-biindigebii’igewag ganawenjigewidoopowining, miinawaa gii-miinaawag anooj enaandenig ganawenjigewin agwaakwa’igaans. Mike Green, gaganoonidiwin endazhiikang endananokiid omaa 1968 biinish 1972, odibaadodaan enaandeg ji-izhi-biindigewaad imaa Bunker:

 “Ganabaj 85-90 onji ningodwaak ningoji biinji-waakaa’igan gaawiin maamadaa gaa-izhaasiwan… giishpin waa-ayaanziwanban waa-izhaayanban bimosewigamigong gemaa gaye besho ningoji, gaawiin gigii-izhaasii imaa. Miinawaa, iniw agwaakwa’igaansan ezhi-gikenjigaadegin enaandegin bayeshaagin giishpin enenimigooyan eyaayan imaa gemaa gaye gaa maamadaa. Miinawaa endaso-dagwishinan ishkwaandeming, giishpin gaawiin eyaanziwan gweyakwaandeg wii-biindigeyan iw ishkwaandeming, gaawiin giga-biindigesii imaa.”