Naawisag imaa ate iw gikinawaabanjigan naasaab iw Bunker gaa-inaakonigejig gaa-aabajitoowaad gii-mazinabii’igewaad miinawaa gii-ozhigewaad. Maanda gikinawaabanjigan gii-gichi-apiitendaagwad gii-inaakonigeng gakina gegoo naadamaadizowinan miinawaa waasamowinikewin ji-izhi-debashkineg miinawaa ji-izhi-anokiimagak biinji-waakaa’igan. Bakaan anooj enaandegin ezhi-gikenjigaadegin ezhi-bimaanimakin miinawaa enaabajichigaadegin.

Awashime wiin 1,000 enokiijig ogii-ozhitoonaawaa gegaa 1,000 daso-gakaki-diba’igan Bunker megwaa 18 daso-giizis. Iw gichi-waakaa’igan gii-onji-aabajichigaadewan 24,320 gekakiminagakin daso-diba’igan meshkawaadeg, miinawaa ate ogijayi’ii 1.5 daso-diba’igan esiniinsikaag, mii wenji-zoongang apii gichi-baashkideg bichibojigan.

Gegaa gii-gichi-zanagad ji-giimoodak geyaabi iw Bunker. Bemaadizijig gii-inaawag Gaganoonidiiwigamig ayaawaninig, wiin dash gegaa wayeshkad, bemaadizijig ogii-maajii-izhinikaadaanaawaa iw Diefenbunker-dibishkoo aw prime minister, John Diefenbaker.

Ganawaabandan iw gikinawaabanjigan miinawaa waabandan iw izhinoo’igan wenji-naaniibawiyan ishkwaaj ishpimisag.